随笔

檬仔树骹 2015-11-17 22:56:45
年中换头路,无闲化仙,无闲录音,也无闲写啥,佫较无闲通去想咱厝话的代。说无闲拢是借口尔。新所在风景袂歹,空气也泛泛,规日通看西湖的光景,好天的时阵天是蓝的云是白,看了爽神。歹天就较费气,天公伯歹面相我也沤头沤面。补冬过,照算是冬来啰,毋久今年的冬来犹拙热,日时犹咧短衫,早暗坐车则着加幔一领薄薄的外衫......

檬仔树骹 2015-11-08 21:03:19
今仔补冬,毋久热到着补冰条!下晡先生毛灬阮去新步写生。主侬诚好礼,佫倒茶阮啉。毋久,著头前旧厝里,有一个老姆,手伸出来门缝,卜敨绞咧门khian的铅线。听着外口阮的声说,直直叫:“共我敨开,度我出去。”婷毋知势,卜去敨。先生赶紧喊伊毋通。诚实有影!主侬听阮咧说,紧行去大声喝内面迄个老姆毋通吵!先生......

檬仔树骹 2015-07-09 21:11:49
作者:菜猴(漳州龙海白水猴) “若想起故乡,目屎就流落来,免挂心请汝放心我的鸭母……” [惊讶]:"啥?我的鸭母?!” “阿母啦鸭母!” 我会记得我细汉的时阵,乡里社内有侬栽种蘑菇。蘑菇房厝瓦顶的就是盖乌油毛氊的。油毛氊野轻,袂堪得大风一鼓就赶澈澈去。所致有的侬就硩沙包。有的较戆潲的,想讲无要紧,...... (3回应)

檬仔树骹 2014-04-04 23:50:29
逐年生日的時陣就會想著老母。想著老母,就想著阮老引嬤!怎安爾說啊?因為我就想著我細漢的時陣,阮老引嬤罵阮老母的迄句話:我做鬼嘛欲來共汝拖去!亻因是有偌大冤仇?嘛無! 誠實,迄年,老引嬤做忌迄日,我日時就膽膽仔咧!下班了,我無倒去厝,直接去看阮老母!問伊咧酵?敽伊笑。伊計無反應,就是直直看。咧...... (1回应)

檬仔树骹 2014-03-25 15:25:46
毋知從啥乜時陣開始,發現本在誠愛笑的家已規日面臭臭、橫橫。一日仔,烏白枋看著姊妹伴偷翕的siong6,迄蕊目睭誠惡、誠使狠。本在毋是規日笑文文的?是老囉無愛佫笑囉?毋久笑佮老有啥關係啊?老嘛會做笑得!無歡喜?嘛無! 是毋是佫斡倒去佇團裏迄站的款?迄huai5丈夫(ta-poo)同學所說的:規日一支解放軍...... (1回应)

檬仔树骹 2014-02-28 22:07:07
屎礐伫戏棚边头的涂堆后壁,无路灯,暗摸摸。妹仔戏服褪捒,招无侬去,手电摕咧走去消敨。曜屎礐壁,雾雾一字亲像“女”字。妹仔踌躇一下,敢勿会行诞?越头看四边无侬,佯胆入去,屎礐无崁盖,用石枋四箍辇转围起来,留一个门位。有两孔。内面迄孔有一个侬,影影看头毛长长,乌衫乌裤,面看勿会清。看是长头毛,妹仔想......

檬仔树骹 2013-08-20 22:44:17
(文/痟婆仔) “阿婴仔,食暗未?未食来哦,我煮咸糜(ber5),加煮咧,来食!” “姆仔叫咱去食糜(mai)。” “来啰乎!紧来紧来!” “汝去共伊相共捀,较袂老大侬加行无法伊。”牛仔“嗯”一声笑笑位藤椅徛起来,蓝色碎花长裙tiu3悬,三步做两步走入去后轩的灶骹,“姆仔,我捀!”“烧哦,无法啦,我捀一碗。”“毋免啦......

檬仔树骹 2013-06-25 22:24:08
【闽南语版】 月光暝,蛙鼓鬧、螢火奔、蟲仔叫,厝角的芭蕉箬輕輕仔搖。“我做查某囝仔時,也捌位家已身頂鼻著即個芳味,是位身咧內面發出來的。”“啊?野媠、野芳哦!”阿吟文文仔笑一下,越頭,坐咧五骹架的塗骹,將下咧茶桌的茶杯捀起來細細喙啉,耳仔頂串的迄粒沉香佇月光骹 (扌甩)hiu3來(扌甩)hiu3去…… ...... (1回应)

檬仔树骹 2013-06-10 20:25:58
“唰唰唰唰……”“哈~啊~爱睏仔欲死。天未光,狗未吠!是誰咧吵啊?咦,誰偷泄(tshua7)尿?佫澹澹?”mooh咧蛇殼袋壁邊的紅面青椒目睭揉揉咧,褫(thi2)開,“都是咧落雨哦!拙好睏的天時拙早煞乞吵醒!”紅面青椒骹骨拔長長哈一個唏。“汝是酵?較過去咧呐!較欲擠死。”“臭仔欲死,也毋知身。”“是啊。佫煥歹看。”...... (1回应)

檬仔树骹 2013-04-12 21:07:51
   生日!生翼!酵生日着说生日快乐?因为咱侬随位老母的腹肚出来就哭?因为按呢所以则着卜较欢喜咧则说着快乐?阿兄伫咧的时阵定定笑我是一尾蝒虫,我觅笑说家已是一只鬼仔。二斤几出世的老母生我八斤半,顶头的阿兄阿姊一个一个减半斤起去。我生阿婴也是八斤半。会理解老母带身的时阵迄老猪母皮腹肚着偌食力。    ......

<前页 1 2 3 4 5 ... 6 7 后页>