無字亓情批-黃乙玲/游鴻明

無字亓情批　Bô jī ê tsîng-phue
黃乙玲版　游鴻明版
正字轉寫：斯文施
作詞：許常德　作曲：游鴻明　編曲：陳品
阿嬤毋捌字
a-má m̄-pat lī
但是伊捌真濟亓代誌
tān-sǐ i pat tsin-tsuē ê tāi-tsì
伊講閃電是天亓鎖匙
i kóng siám-tiān sǐ thinn ê só-sî
鎖匙拍開有雨水
só-sî phah-khui ǔ hōo-tsuí
阿嬤毋捌字
a-má m̄-pat lī
但是有一張情批寫予伊
tān-sǐ ǔ tsi̍t-tiunn tsîng-phue siá hōo-i
經過幾十年毋捌拆開
king-kuè kuí-tsa̍p nî m̄-bat thiah-khui
伊講寫字不如相思
i kóng siá-lī put-lû siunn-si
我愛亓伊　欲來離開
guá ài ê i beh-lâi lî-khui
伊講孤單上適合伊
i kóng koo-tuann siōng sik-ha̍p i
無留半字　就斷了過去
bô lâu puànn-lī tio̍h tuàn-liáu kuè-khì
毋甘心付出　為伊吼規暝
m̄ kam-sim hù-tshut uī-i háu kui-mî
我愛亓伊　欲來離開
guá ài ê i beh-lâi lî-khui
伊講孤單上適合伊
i kóng koo-tuann siōng sik-ha̍p i
山盟海誓　亦失去意義
san-bîng-hái-sè iā sit-khì ì-gī
情批攏無字　癡心變青盲
tsîng-phue lóng-bô lī tshi-sim piàn tshinn-mî
我共阿嬤問
guá kā a-má mn̄g
阿嬤亓情批是寫啥物
a-má ê tsîng-phue sǐ siá siánn-mih
伊講情人欲愛無勇氣
i kóng tsîng-lîn beh ài bô ióng-khì
則來用字騙情意
tsiah-lâi iōng-lī phiàn tsîng-ì
則來用字騙分開
tsiah-lâi iōng-lī phiàn hun-khui